-->
-->
Анѓушев: Секоја држава носи сопствена даночна политика за која цени дека ќе биде атрактивна за економијата
-->
Во Македонија во моментов се води само дискусија за промена на персоналниот данок, а сите останати даноци и понатаму остануваат исти, оцени денеска вицепремеирот за економски прашања Кочо Анѓушев.
- Данокот на добивка, данокот на имот и сите останати даноци остануваат исти и не се под прашање. Предмет на дискусија во Владата е само прагот на платата над која ќе се зголеми персоналниот данок. Таа дискусија ќе ја прошириме со целокупната зантересирана јавност и сите чинители на економското живеење во земјава, изјави вицепремеирот Анѓушев, одоговарајќи на прашање по промоцијата на Прекотот за зголемување на компетитивноста на малите и средните претпријатија во земјава со цел да се подобри нивната соработка со странскте инвестиции.
Тој потенцира дека зголемувањето на персоналниот данок за одредена категорија граѓани претставува социјална правда и порамномерен товар на даночната политика.
- Секоја држава носи сопствена даночна политика така како што цени дека ќе биде атрактивна за економијата, рече Анѓушев и додаде дека даночната политика во Република Македонија е усогласена со политиката во Европската унија.
Во земјава, како што посочи, во делот на фискалната политика покрај ставање под контрола на сивата економија има и простор за други типови на поголема фискална дисциплина, пред се, кај трансферните цени на компаниите кои имаат свои компании ќерки во другите држави.
- Спорен е начинот на префактурирање, односно на наплаќање или ценовната политика на компаниите кога си продаваат компанија мајка на ќерка од една во друга држава. Тоа е причината за многу пропаднати фабрики во земјава како и една од најголемите причини поради кои Фени дојде во ситуацијата во која дојде, рече Анѓушев и посочи дека треба да се зголеми имплементацијата на легислативата за трансферни цени.
Нагласи дека во овој дел има можност за големо подобрување за да се заштитат даночните приходи во Македонија и полнењето на Буџетот.
- Покрај тоа, продажбата во земјоделството се одвива директно од нива на кванташки пазар и се завршува надвор од финансиските текови. Мора да работиме и на тоа, но периодот од 10 месеци е прекраток да се анулираат сите работи. Сепак добро е што се нотирани, заклучи Анѓушев.
-->
-->
-->
Ново на Сител
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени