Ангеловска: Наплатата на даноци и придонеси подобрена за 10,7 отсто во јануари во однос на лани
Буџетот е ликвиден, а во јануари наплатата на даноците е подобра за 10,7 отсто во однос на истиот период лани или повисока за 23 милиони евра, изјави министерката за финансии Нина Ангеловска одговарајќи на новинарско прашање за време на работната посета во Свети Николе.
– Буџетот е ликвиден, одлична е реализацијата на буџетот во месец јануари. Имаме зголемување на даноците и придонесите за 10,7 отсто во јануари во споредба со истиот период минатата година, имаме раст на придонесите од 19 отсто, раст на наплатата на ДДВ од 6,2 отсто, на акцизите, што покажува одлична реализација и дека економијата е стабилна. Исто така и реализацијата на расходната страна е добра, се работи за солиден почеток и се надевам дека и во следниот период, и покрај тоа што е предизборен период, дека позитивните ефекти, како членството во НАТО ќе преовладаат и дека економијата ќе продолжи да се движи во позитивна насока и во следниот период, рече Ангеловска.
Министерката за финании во рамки на работната посета на Општината оствари средба со бизнис заедницата и посети инвестиција преку Проектот за подобрување на општински услуги – Градскиот пазар, заедно со евроамбасадорот Самуел Жбогар и градоначалникот на Свети Николе, Сашо Василевски.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени