Американскиот Сенат ќе донесе резолуција за поддршка на Преспанскиот договор
Американскиот Сенат се очекува на почетокот на следната недела да усвои резолуција со која ќе се поддржат активностите на Македонија и на Грција во однос на имплементацијата на Договорот од Преспа.
Ова на средбата на вицепремиерот задолжен за европски прашања, Бујар Османи во рамките на неколкудневна работна посета на Вашингтон му го соопштил сенаторот Рон Џонсон, кој воедно е претседавач и со Комитетот за домашна безбедност и владини прашања при Сенатот на САД.
Како што соопшти СЕП, честитајќи на успехот на земјата, сенаторот Џонсон го известил Османи за неговата иницијатива, заедно со сенаторката Џеин Шахин. Во текстот на резолуцијата, која во драфт верзија му била предадена на Османи, меѓу останатото, се препорачува на Советот на ЕУ во јуни оваа година да ја потврди одлуката за почеток на преговорите. Како што посочил сенаторот, текстот на оваа резолуција се очекува да биде финализиран и ставен на дневен ред на Сенатот на почетокот од следната недела и да биде усвоена.
-Вистинска привилегија е партнерството на Македонија со САД, кое продолжува со несмалено темпо, за што САД може да смета на нашата заемја како на цврст сојузник во промоција на западните демократски вредности на Балканот, истакна Османи.
Претходно Османи учествуваше и на традиционалниот молитвен појадок во организација на американскиот претседател Доналд Трамп. Во неговата денешна агенда беше и посета на Конгресот каде Османи имаше средба и со конгресменот Стив Стиверс, кој до јануари оваа година ја вршеше функцијата претседател на Националниот Републиканскиот комитет во Конгресот на САД. Централна посета на Конгресот беше средбата со новиот претседавач со Комитетот за надворешна политика во Конгресот на САД, Елиот Ејџел.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри