Амбасадата на САД во Лондон се сели во нова зграда, вредна милијарда долари
Вработените во американската амбасада во Лондон, следниот месец ќе се преселат во нова зграда, 12-катен облакодер вреден милијарда долари, со поглед на реката Темза.
Новата локација на јужниот брег на реката е во срцето на огромен проект за ревитализација на поранешната индустриска зона позната како Најн елмс“ (Nine Elms). Стационирана во она што ќе биде урбан парк, зградата ќе биде нов „дом“ на 800 вработени и околу 1.000 посетители секој ден.
Стејт департментот на САД распиша конкурс за дизајнирање на новата зграда во 2008 година. Тогаш амбасадата беше опишана како „физичка манифестација на долгорочната посветеност на специјалните односи меѓу САД и Обединетото Кралство".
Стаклената структура „дава форма на клучните демократски вредности: транспарентност, отвореност и еднаквост", беше наведено во соопштението од Стејт департментот. Изградбата на објектот вреден милијарда долари беше целосно финансирана од продажбата на други имоти во Лондон.
„Со нетрпение очекуваме да преминеме во нашата нова амбасада во Најн елмс ... На 16 јануари нашата нова амбасада ќе биде отворена за работа", напиша денеска на Твитер американскиот амбасадор Вуди Џонсон.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок