Балкан
17. јуни 2017 - 15:21

Албанската полиција во две акции заплени тон марихуна

Албанската полиција во две одделени акции денеска заплени нешто повеќе од илјада килограми марихуана.

Во акцијата спроведена од полцијата во приморскиот град Валона, во куќа на жител на Дукат, полицијата откри и заплени 710 клограми од ова наркотично средство.

Дрогата била спакувана во 27 пакети сместени во осум големи спортски торби. Уапсен е Селман Хамити (71), додека полицијата трага по Б.Т.(44).

Во втората акција запленети се 306 клограми марихуана, во близина на албанско-грчката граница кај Козан.

Дрогата била ставена во десет вреќи, кои се транспортирале со комби, со грчки регистарски таблички, а ило следено од автомобил управуван од двајца млади Албанци. Тројцата се уапсени.

Според изјави на уапсените, наркотичното средство трабало да биде транспортирано до Атина.

Во изминатите денови албанската, грчката и италијанската полиција имаат запленето над три тони мархуана, произведена во Албанија.