Македонија
18. November 2019 - 11:10

Акции со садење дрвја во Ново Лисиче

Општина Аеродром и „Ротаракт клуб“ − Скопје викендов спроведоа акција со садење дрвја во паркот „Нирнберг“ во Ново Лисиче. Станува збор за неколку вида садници: јасен, јавор и платан. Во акцијата се вклучија и дел од членовите на Советот на Општина Аеродром.

Исто така, ЈП „Паркови и зеленило“ во рамките на есенските активности ги разубави булеварите „Србија“, „Јане Сандански„ и „АСНОМ“, како и парковите засадувајќи висококвалитетни дрвја.

Во наредниот период со вакви активности ќе се вклучи и Општина Аеродром со цел зголемување на зеленилото во Општината, што ќе придонесе за почиста и поздрава животна средина за сите граѓани.