60 милиони евра европски пари за располагање на земјоделците
Првиот повик од ИПАРД 2 програмата ќе биде објавен на почетокот од јануари следната година. Преку него за поддршка на земјодеството и руралниот развој во земјата на располагање стојат 60 милиони евра европски пари.
За разлика од ИПАРД 1, оваа програма нуди повеќе новини, но и многу поедноставена постапка за аплицирање.
Со програмата ќе бидат активни три мерки, една која се однесува преработувачите, друга за финансирање мали бизниси во руралните средини и мерка наменета за примарните произвдители со која за разликаод претходно се опфатени и полјоделците и одгедувачите на фуражни култури и каде кофинасирањето е зголемено во однос на минатата програма.
-Се зголемува стапката на кофинансирање во првата мерка што е особено значајно за примарните земјоделски производители. Минималната стапка на кофинасирање ќе изнесува 60% , значи доколку се вложат 10 000 евра, 6000 евра ќе се вратат кон барателот, тоа е минимална стапка. За млад земјоделец е 65%, а за земјоделците кои што своето производство го имаат во подрачја со ограничени можности до 70% може да изнесува стапката на кофинасирање. Во критериумите кои треба барателите да ги исполнуваат исто така има многу олеснувања, вели Виктор Младеновски од секторот за управување со ИПАРД.
Програмата предвидува и голем број нови типови инвестиции, особено во делот на заштитата на животната средина и користењето на енергијата од обновливите извори.
Пријавувањето за искористување на средствата од ИПАРД 2 програматаќе трае 45 дена по објавувањето на конкурсот.
-
Зоран Ѓоргиев
Сите содржини од овој новинар