Балкан
15. јуни 2020 - 15:44

57 новозаразени и еден починат во Србија

Во Србија во изминатите 24 часа се тестирале 5.085 лица на корона вирус, од нив 57 се покажало дека се позитивни, а едно лице почина како последица на Ковид-19.

До денеска во Србија се тестирани вкупно 308.013 лица кои ги исполниле критериумите за дефинирање на случајот. Во моментов земјата има 545 активни случаи, додека на респиратори се 15 пациенти. Вкупниот број на починати од почетокот на епидемијата изнесува 255 лица.

Во последните 24 часа процентот на позитивни во однос на бројот на тестирани за коронавирус е 3,27 отсто.