50 нови случаи на коронавирус во земјава од кои 30 во Скопје
Според неофицијални информации на Сител денес има околу 50 нови случаи на корона вирус во земјава од кои 30 во главниот град.
Според информациите кои ги добивме од Центарот за јавно здравје и понатаму жариште во Скопје е општината Чаир каде што се и денешните нови дијагностицирани случаи.
Речиси во секоја скопска општина има по еден до двајца новозаразени но и на активни случаи од корона вирусот.
Од Центарот за јавно здравје потврдено е дека од погребот на починатиот пациент, чиј тест постмортем покажа присуство на вирусот заразени се 5 лица.
Центарот за јавно здравје реагираше дека има проблем со тестирањето на ова семејство бидејќи членовите на семејството не сакаа да се тестираат, меѓутоа денеска ги имаат резултатите од нивните тестови.
Денеска и Гостивар ги потврди новите 2 случаи од корона вирусот, а во текот на вчерашниот ден беше потврден 1 случај. Од општината потврдија дека имаат 8 активни случаи на Ковид-19.
Вчера Филипче најави дека овие 2-3 дена ќе ја следат состојбата со новозаразените по што ќе одлучат дали ќе воведат локални карантини, односно полициски час во оние општини каде што има најмногу заболени од ковид-19.
На денешниот состанок на Комисијата за заразни болести не е донесена одлука за рестриктивни мерки во општините со најмногу заразени, останува тие да ја следат состојбата во наредните неколку денови.
Се уште не се знае дали ќе има мерки и за престојниот празничен викенд којшто следи.
Неофицијално дознаваме дека по консултации со други земји предложено е отварање на границите на 15 јуни, но се чека официјалната потврда од Владата и Комисијата за заразни болести.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање