Македонија
10. August 2020 - 19:42

Заев: Разговорите продолжуваат, влада треба да се формира, нови избори не се решение

Жалам што не можеме денеска да соопштиме  дека има договор помеѓу двете страни со коишто разговаравме. Логично разговорите ќе продолжат следните денови, изјави лидерот на СДСМ Зоран Заев Заев по  средбата со претседателот на ДУИ Али Ахмети, што се одржа попладнето во Собранието, како дел од разговорите за формирање парламентарно мнозинство.

Тој очекува неделава да биде доделен мандатот за формирање Влада и потенцира дека таа треба да се формира и да носи решенија за одговор на предизвиците.  Нови избори, како што вели, не се решение затоа што ќе се повтореле резултатите. На денешните разговори со Ахмети имале напредок во аргументацијата на ставовите на двете партии.

– Роковите веќе течат за доделување на мандатот  Според претседателот на Собранието тој мисли дека прво треба да се избере  претседател на собрание, па кпосле течат роковите, но штом претседателот на државата  мисли дека течат роковите  тоа значи дека оваа недела го очекуваме и мандатот  да биде доделен.  Денеска имаме напредок во делокруигот на аргументацијата за ставовите за двете партии .Се работи за програма, се работи  за наратив, се работи  цела филозофија на одговорност  и чест на владеења. Разговаравме за големите успеси коишто се  постигнати, но секако  и одговорноста која што ја имаме после овие успеси. Очекуваме период многу лагоден, но и неповторлив и за граѓаните  и за државата за да може да ги максимилизираме ефектите  за сите, рече Заев.

Среќен сум, посочи, што наративот на коалицискиот договор  е стокмен и отприлика вредностите се важни  затоа што на крајот имињата политичарите  сето тоа е минливо и минливо, но  филозофијата на идното четиригодишно  преземање на чест и одговорност е токму во наративот и  одговорностите.

Верува дека нема да губат многу време во распределбата на ресорите, посочувајќи на потребата од брзи решенија на Владата  за справување со сите актуелни  предизвици, поради што посочува и дека се водат длабински разговори.

– Отприлика знаеме кој каде е подготвен  да земе одговорност, но сето тоа ќе значи взаемно и  компарација и со кадрите за коишто ќе се разговара, но дефинитивно имаме уште многу да работиме  во следните денвои. Се надевам дека тоа ќе биде час поскоро  или ден порано за да  можеме тоа да го обелодениме, им требаме на здравството, на образованието, гледате се носат одлуки секој ден, тука сме, јас и СДСМ и ахмети, со ДУИ имаме заедничка влада,  заедно со сите партнери, ги мериме одлуките правиме компарација  што се случува во Германија, што во Словенија,  за сите овие предизвици коишто се пред нас. Знам дека има потреба и од брзи решенија на  Владата како што се последиците од дождот како што е Зелениково и другите населени места , се постапува веднаш токму по овие работи,  рече Заев.

Има, дополни, многу суштини, многу детали за коишто е вредно да се разговара.  – Таман работа да останеме без влада не  ни теба.  Нови избори не ги решаваат работите. Ќе  ги повториме резултатите. Влада треба да се формира. Треба да се формира влада секако таму каде што ќе се најдат  решенијата за формирање  на влада. Нашиот став, а фала богу и на другите партии со коишто разговараме е дека сега нема причина  да се размислува за предвремени избори. НАТО е завршена работа одлука започната за преговорите имаме , меѓувладина конференција се закажува  почеток на отворање на поглавјата, ќе треба да работиме а и да оставиме  предвидливост и за економијата, за граѓаните  и за сите, изјави Заев.

Одговарајќи на новинарски прашања повтори дека ја чувствува како притисок поканата за средба што ја упати денеска Ахмети до лидерите од албанскиот политички блок по повод годишнинатата од  Рамковниот договор, порачувајќи дека таква средба може да имаат и претставниците од како што вели неалбанските граѓани. Ако е поводот Охридскиот договор, потенцира, таму треба да бидат и СДСМ и ВМРО-ДПМНЕ.

-Дадов коментар на  директно прашање дали повикот на ДУИ да се состане со сите политички партии на темата претседател на Владата на предлог на ДУИ – да, го  чувствувам како притисок. Понатаму  нема да разговарам, сакам да дадам шанса на разговорите, нормално е заради тоа што може и сите политички партии кои се претставници на неалбанските граѓани  во државата, од неалбанската  етничка заедница, значи може и тие да се соберат. Значи, можеме ние и со претставници на бошњачките партии, и со ВМРО-ДПМНЕ  и со турските партии и слично, треба да се води грижа и за тоа. Ако е поводот  Охридскиот рамковен договор и СДСМ и  ВМРО-ДПМНЕ треба да бидат таму, рече Заев.

Не сака да шпекулира околу информациите за ротирање на премиерското место.

– Немам коментар од  исти причини што не сакам да влијам  негативно на преговарачкиот процес.  Да оставиме на крајот ќе си има комплетен договор  со сите детали ќе ги објавиме, јавностаќе биде информирана. Ние се видовме и со Алијанса и со Алтернатива, минатата седмица беше тоа,и логично е сега да продолжиме со партијата која што  има најмногу пратенички мандати  од албанскиот блок на политички партии .Сега разговараме со ДУИ. До тука сме дојдени еве денеска соопштуваме. Би сакал навистина во наредните  денвои да ја постигнеме преговарачката рамка, да постигнеме договор, но секако  тоа зависи и од другата страна,  изјави Заев.