За Албанците Сулејмани е издајник?!

Српскиот репрезентативец Миралем Сулејмани го очекува пекол во Елбасан каде ќе гостува со својата репрезентација во рамките на квалификацискиот дуел со домашната Албанија.

Локалните медиуми го нарекуваат Сулејмани издајник бидејќи ќе игра против нивната репрезентација во Елбасан. Според нив српскиот репрезентативец кој е роден во Белград но е Горанец по потекло од Косово, во 2006 година кога играл за Партизан изјавил дека нема да игра ниту за Србија ниту за Албанија.

“ Никогаше не побарав албанско државјанство, не ни сакав. Отсекогаш сум посакувал да играм за мојата земја за Србија“- изјави Сулејмани.

Дуелот Албанија- Србија се игра во четврток во 20.45 часот во Елбасан.