Во Грција тројца полицајци починаа од Ковид-19, а заразени се над 400
За само неколку дена, тројца полицајци од различни служби во три града во северниот дел на Грција ја загубија битката со Ковид-19, иако се на возраст меѓу 50 и 55 години и немале здравствени проблеми, објавија грчките медиуми.
Според истите информации, коронавирусот е раширен меѓу полицајците во целата земја, заразени се над 400 лица, а телевизијата „Мега“ објави дека 29 се веќе хоспитализирани.
Истовремено, во изминатите денови потврдени се и 57 позитивни случаи на Ковид-19 во две касарни во грчките градови Триполи и Јанина.
За војниците заразени со коронавирусот во касарните постојат специјални изолирани простории.
Според медиумите од Крит, вчера во фрегата од грчката воена морнарица во воената база на островот, биле потврдени десет случаи на Ковид-19 и во карантин, во фрегатата се сите членови на екипажот.
Ново на Сител
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник
-
Турски државјанин приведен на Деве Баир
-
Прегазен малолетник во Чаир