Во Грција 2.013 нови случаи и 101 починат од Ковид-19
Во изминатите 24 часа во Грција се регистрирани 2.013 нови случаи на Ковид-19, а почина уште 101 лице, според официјалните податоци од Националната организација за јавно здравје, јави дописничката на МИА од Атина.
Професорката епидемиолог Вана Папаевнгелу, која е член на надлежната комисија во Министерството за здравство на Грција, на денешната редовна прес конференција за Ковид-19 рече дека се намалува бројот на нови случаи, а во текот на следната седмица се очекува да се намали бројот на хоспитализирани лица и објасни дека процените се дека во овој момент во Грција има над 25.000 активни случаи.
Паралелно истакна дека е исполнет 88 отсто од капацитетот на Одделите за интензивна нега во болниците во цела Грција.
Од новите случаи, најголемиот број повторно е во Солун -545 е новозаразени лица, во областа Атика се 319 и 106 во Лариса.
Заменик-министерот за цивилна заштита на Грција Никос Хардаљас рече дека во изминатите две седмици 18 од 74 региони се со лоша епидемиолошка слика.
Од почетокот на епидемијата во Грција, регистрирани се вкупно 101.287 позитивни случаи на Ковид-19, а починаа 2.102 лица.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација