ВМРО-ДПМНЕ: За шест месеци нови 904 милиoни евра задолжувања; СДСМ: Капитални инвестиции за подобар живот

Јавниот долг надмина 7 милијадри, за шест месеци е  зголемен за речиси една милијадра евра, вели лидерот на ВМРО –ДПМНЕ Мицкоски. Обвини дека откако е СДСМ на власт освен задолжување на граѓаните друго ништо не прави.

Од СДСМ пак тврдат дека посветено работат на подобрување на условите за сите граѓани. Инвестираат во капитални проекти кои обезбеудваат локален економски раст и рамномерен регионален развој.

Инаку заклучно со јули реализирани се само една третина од зацртаните капитални проекти во земјава. Со ребалансот на буџетот средствата за оваа намена беа зголемени за речиси 100 милиони евра, па така за 2021 државата  планира за изградба на патишта, пруги, градинки, училишта, гасоводи да потроши половина милијарда евра.