Советот на млади од Крива Паланка со иницијатива за разубавување на новиот скејт парк во градот
Новиот скејт парк во Крива Паланка е разубавен и исцртан со мурали на иницијатива на Советот на млади при општината, со што сите млади од градот добија уште една модерна и урбана локација за дружење и рекреација.
– Оваа иницијатива потекнува од членовите на Советот на млади, со поддршка на локалната самоуправа, а ја уредивме и и дадовме нов урбан лик благодарение на соработката со четири млади уметници од Скопје. Станува збор за Андреј Митевски, Александар Наумовски, Љубиша Камењаров и Ѓорѓе Јовановиќ, кои му дадоа живост и уникатен белег на просторот, изјави Александар Величковски, претседател на Советот на млади на Општина Крива Паланка.
На муралите се насликани скејтери, велосипедисти, млади спортисти.
– Декоративни и инспиративни се насликаните мотиви, презентирајќи ги идеите за слободарскиот дух на младите, нивниот однос кон животот и природата, зашто тие се движечка сила на општеството. Воедно, Јовановиќ својот мурал го посвети на нашата актерска величина, кривопаланчанка по потекло, Милица Стојанова, додаде Величковски.
Уредувањето на скејт паркот е дел од проектот на општина Крива Паланка „Подобра спортска инфраструктура, подобро здравје за сите“ со кој се уредени повеќе спортско-рекреативни содржини во градот. Проектот е финансиран од Амбасадата на Република Бугарија во земјава, а се реализира со средства во висина од 73 илјади евра.
Со овој проект беше изградена атлетска патека на градскиот стадион во Крива Паланка, во завршна фаза е и уредувањето на мини голф теренот на спортскиот комплекс во општината.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово