Седници на четири собраниски комисии
Во Собранието денеска седници ќе одржат комисиите за надворешна политика, за одбрана и за безбедност и за надзор над спроведувањето на мерките за следење на комуникациите. Седница ќе одржи и Законодавно-правната комисија.
На дневен ред на Комисијата за надворешна политика е Предлог на законот за ратификација на Дополнителниот протокол 6 за трговија со услуги кон Договорот за изменување и пристапување на Централноевропскиот договор за слободна трговија.
Членовите на Комисијата за одбрана и безбедност ќе се изјаснат за Предлог – одлуката за испраќање на припадници на Армијата на Република Македонија за учество во меѓународната операција на Европската Унија „ЕUТМ RCA“ во Централна Африканска Република, како и за Предлог-закон за изменување на Законот за приватно обезбедување, во второ читање.
Комисијата за надзор над спроведувањето на мерките за следење на комуникациите ќе го разгледува Предлог Упатството за начинот и постапката за вршење на надзор над мерките за следење на комуникациите и ќе изврши административна проверка на пријавите од Јавниот повик за ангажирање на двајца технички експерти за постојана поддршка.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка