САД: Трамп ќе го номинира гувернерот на Индијана за негов потпретседател на претседателските избори

Кандидатот на Републиканската партија за претседател на САД, Доналд Трамп ќе го номинира за негов заменик-претседател гувернерот на Индијана Мајк Пенс, според извор од Републиканската партија на САД. 

Како што јави Си-Би-Ес, оваа информација официјално ќе биде објавена утре. 

Се смета дека овој избор на Трамп ќе му помогне да собере поголем број на гласови на претседателските избори кои ќе бидат одржани во ноември. 

- Гувернерот на Индијана би бил добар избор за потпретседател на Трамп, изјави претседателот на Претставничкиот дом на САД Пол Рајан. 

- Не е тајна дека имам голема почит кон Пенс и имам високо мислење за него, наласи Рајан.