Рамковно вработените добиваат нови решенија за прераспределба

1349 рамковни службеници кои земаа плата, а не работеа ништо до крајот на месецов ќе бидат прераспределени во 237 државни институции. Вицепремиерот Груби тврди дека списокот бил прочистен од оние кои воопшто не ни живеат во Македонија. На дел им биле раскинати договорите, дел сами си дале отказ.

Со новиот план на Владата, службениците нема да имаат опција да одберат каде сакаат да бидат прераспределени.

-Ова е единствената опција каде што тие можат да бираат. Да дојдат, да го примат упатното решение кое што јас веќе го потпишав и да го ја почнат процедурата за одјавување во нашето Министерство и појавување во другата институција каде што тие се веќе распределени. Ако по било кој основ, кој било од нив не дојде да го земе решението во рок од 7 дена, тогаш на сите им се укинува работното место во Министерството за политички систем и се ставаат на трансфер листа каде што веќе изборот не може да биде нивен.

Најголем дел од службениците се економисти и правници, но има и со средно. На листата, како што тврди Груби, нема само Албанци, туку и Македонци, Срби, Бошњаци и Турци. Институциите што ќе ги примат се должни да ги обучат за работа. Вицепремиерот уверува дека таа тековна обука нема ништо да ја чини Македонија.

Засега достапни се списоците институции и колкав број на службенци ќе добијат. Поради Законот за заштита на лични податоци, барем засега, јавноста нема да има увид кој службеник каде ќе биде прераспределен.

Најголем дел од службенциите ќе бидат прераспределени во МВР – 134, Царина – 74, Пазарен инспекторат 35, Катастар – 39, Матично – 41, МНР – 26...

МВР – 134                                                                                                           АВРМ – 20

АГЕНЦИЈА ЗА ЗАШТИТА НА ЛИЧНИ ПОДАТОЦИ – 30                                  АХВ – 10

ВЛАДА – 12                                                                                                         ДЗС – 10

ДРЖАВЕН АРХИВ – 12                                                                                      ТРУДОВ ИНСПЕКТОРАТ – 13

ПАЗАРЕН ИНСПЕКТОРАТ – 35                                                                         МИОА – 11

МНР – 26                                                                                                             МОН – 11

МАТИЧНО – 41                                                                                                   ЦАРИНА – 74

ОСНОВЕН СУД ТЕТОВО – 10                                                                           ОЈО ТЕТОВО - 10