Рама: Да му дадеме на народот нормален човек за претседател
Албанскиот премиер Еди Рама на средба со пратеничката група на неговата Социјалистичка партија, изјави дека една од работите што владејачкото мнозинство мора да ја направи е да се избере нов претседател во април.
Тој додава дека тоа треба да биде „морално и професионално нормална фигура“, па затоа замолил да размислат за тоа и секој што има идеја за ова да ја сподели.
Петгодишниот мандат на претседателот Мета завршува на 24 јули годинава, а според Уставот постапката за изборпочнува во април. Во меѓувреме Уставниот суд треба да се произнесе околу уставноста на одлуката на парламентот за негово разрешување, донесена во јуни минатата година.
Расправата беше закажана за 18 месецов, но поради тоа што известителот бил позитивен на коронавирус одложена е за први февруари. Доколку судиите одлуката ја оценат за уставна, тоа би било прв преседан на разрешување на шеф на државата.
Според Уставот, надлежностите до избор на нов претседател, што го избира парламентот, ги презема претседателката на законодавниот дом Линдита Никола.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар