Македонија
11. August 2022 - 13:27

Приведен крадец во Штип, расчистени две кривични дела

Полициски службеници од СВР Штип  вчера го лишиле од слобода штипјанецот Д.М.(33), кој се сомничи дека на 29 јули на ул.„Ванчо Прќе“ во Штип извршил кривично дело „тешка кражба“ на дрзок начин, одземајќи ѝ ташна и мобилен телефон на 82-годишна жена.

-Д.М. извршил и кривично дело „кражба“ на 30.07.2022, при што од работна просторија во состав на Клиничката болница Штип одзел торба со лаптоп компјутер и други предмети, сопственост на вработен во болницата. Во просториите на СВР Штип при извршен службен разговор, осомничениот ги појаснил времето, местото, начинот и околностите на вршење на кривичните дела, како и на лицата на кои им ги продал одземените предмети. Украдените предмети се пронајдени и ќе бидат вратени на оштетените граѓани, соопшти МВР.

По целосно документирање на случајот против Д.М. до Основното јавно обвинителство ќе биде поднесена соодветна кривична пријава.