Пожарите и смогот во Индонезија предизвикаа смрт на 19 луѓе
Големиот број пожари на индонезиските острови Суматра и Калимантан и облаците смог што со недели ги покриваат источниот дел на Индонезија и околните држави, до денеска предизвикаа смрт на 19 лица. Сите починале од последици на дишење на многу загаден воздух, потврди денеска министерот за социјални работи на Индонезија Кофитах Индар Параванса.
Министерот Кофитах потврди дека во пет провинции на истокот на Индонезија, каде што има над 36 милиони жители, е прогласена вонредна состојба. На цивилните болници од тоа подрачје им помагаат и лекари од другите краишта на државата. Од вчера, со воени бродови од загрозените подрачја се евакуираат бебиња и мали деца.
Се врши и масовна евакуација на постарите лица, а во загрозените области и соседните подрачја концентрацијата на опасни материи во воздухот ќе се мери и соопштува на секој половина час, така што во случај на опасност ќе се организира евакуација на сето цивилно население.
Пожарникарите, помогнати од педесетина илјади припадници на армијата, 26 авиони и голем број хеликоптери специјализирани за гаснење пожари, не успеваат да се справат со стихијата. Поради големата суша и подложноста на тамошниот растителен свет лесно да се запали, од јули наваму во Индонезија се регистрираат најмалку 700 пожари дневно. Метеоролозите најавуваат дека дождови, што е најефикасниот метод за гасење на пожарите, во Индонезија наместо во почетокот на октомври, ќе паднат дури на почетокот на идната година.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник