ПМФЛ: Минимална победа на Вардар на гостувањето кај Борец

Со натпреварот во Велес меѓу Борец и Вардар кој се играше попладнево, отворена е 20-тата рунда во ПМФЛ

 

Лидерот на табелата Вардар ја оствари 12-тата победа сезонава и тоа совладувајќи го Борец на гости со 1:0. Стрелец на единствениот гол вреден нови три бода за вардарци беше Аврамовски во 33-тата минута од натпреварот. 

 

Во пресрет на утрешното дерби во Кратово, каде ќе играат второ и трето пласираните екипи на табелата, лидерот Вардар има 11 бодови повеќе од Шкендија, а 12 повеќе од Силекс. 

 

Дербито меѓу Силекс и Шкандија како и средбите, Работнички - Шкупи и Ренова - Струга ТЛ ќе се играат во терминот од 14 часот, додека еден час порано ќе започе дуелот меѓу Македонија ЃП и Академија Пандев.