Пад на БДП на Црна Гора, трет најдлабок во Европа
Црна Гора се соочи со историски пад на бруто домашниот производ од 20,2 проценти, што е трет најдлабок пад во европската економија.
Вредноста на остварениот БДП, имено, во вториот квартал од годинава изнесува 900,5 милиони евра, додека во истиот период минатата година тој изнесува 1,15 милијарди, што е пад од 20,2 проценти, како што соопшти денеска црногорската администрација за статистика, Монстат.
Проценката на сега во заминување владата на Душко Марковиќ беше дека БДП годинава ќе падне за 6,8 проценти, а сега е сигурно дека падот ќе биде далеку поголем. Просечниот пад на економиите во земјите на Европската унија беше 14%.
Се додава дека само две земји имале поголем пад на БДП од Црна Гора во периодот од април до јуни, Шпанија со 22,1 процент и Велика Британија со 22,8 проценти.
Понатаму се наведува дека, заради споредба, Србија имаше пад од 6,4 проценти, Словенија 13 проценти и Хрватска 15,1 процент. Падот на црногорската економија сепак е „рекорд“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка