Османи-Кулханек: Што поскоро усвојување на преговарачката рамка и формален почеток на преговорите со ЕУ
Остануваме посветени на реформската агенда, со посебен фокус на европските приоритети. Продолжуваме и со активностите за унапредување на добрососедските односи, секако со фокус на Бугарија, преку имплементација на акцискиот план за интензивирање на секторската соработка, и отстранување на разликите кои создаваат политичка недоверба, изјави денеска министерот за надворешни работи Бујар Османи на видео-средбата со шефот на чешката дипломатија Јакуб Кулханек, прва по неговото назначување.
Османи притоа посочи дека се надева на континуитет на дијалогот и со новата Влада во Софија.
Соговорниците, како што соопшти МНР, изразија очекување за што поскоро усвојување на преговарачката рамка и одржување на првата Меѓувладина конференција за формално започнување на пристапните преговори во јуни оваа година, за време на португалското претседателство со ЕУ.
Османи исто така упати искрени честитки до чешкиот колега и му посака успех во извршувањето на оваа одговорна државна функција.
Османи во разговорот се осврна на процесот на интеграција на Македонија во Европската Унија, како и на внатрешните политички процеси поврзани со нашата реформска агенда.
Министрите изразија задоволство од евидентното интензивирање на билатералната соработка во повеќе сфери од заемен интерес, а беше разговарано за можностите за интензивирање на економската соработка.
Двајцата министри изразија задоволство од нивото на соработка во секторот безбедност и одбрана, како и од успешната соработка и чешкото учество во заштитата на нашата јужна граница од илегална миграција.
Османи исто така изрази благодарност за досегашните донации во текот на Ковид-19 пандемијата.
Ново на Сител
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија