Нови 19 случаи со коронавирус вчера во Косово, вкупно 184 заразени
Во текот на вчерашниот ден во Косово се регистрирани шест случаи на излекувани од новиот коронавирус, како и нови 19 носители на вирусот, со што официјалната бројка на заразени од Ковид-19 во земјата достигна до 184, објави Институтот за јавно здравство на Косово (ИШПК).
Како што јави дописникот на МИА од Приштина, во вторникот во лабораторијата за молекуларна микробилогија на ИШПК се тестирани примероците на 259 лица за кои постоело сомневање дека се можни носители на вирусот. Вкупната бројка на тестирани од 8 февруари, заклучно со вчерашниот ден, изнесува 2.352.
Најмногу од случаите кои вчера резултираа позитивни на новиот вирус, вкупно осуммина, се од општина Вучитрн, по тројца се од Малишево и Приштина и по еден од Урошевац, Гњилане. Ѓаковица, Клина и Каменица. Сите новозаразени се случаи на контакти со лица кај кои претходно било утврдено присуството на Ковид-19.
Oд појавата на првите заразени, на 13 март, досега како излекувани од коронавирусот се потврдени 30 лица, а во истиот период се забележани и пет смртни случаи. Сите починати, според ИШПК, страдале и од други тешки болести.
Ново на Сител
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп