Трагедија: Загинаа 11 лица во експлозија на камион-цистерна

Единаесет лица загинаа, а 18 се повредени при експлозија на камион-цистерна во авганистанскиот град Херат, изјави денеска портпаролот на регионалната болница, Рафик Шерзаи.

Тој истакна дека меѓу жртвите има десетина деца, а четворица од повредените се испратени во Иран на третман за изгореници, бидејќи им изгореле над 90 отсто од телата.

Според Шерзаи, експлозијата се случила синоќа во просторот на претпријатието за снабдување со гас, кој е адаптиран во камп за внатрешно раселени лица.

Експлозијата била премногу силна и огнот од запаленото возило со проширил на кампот.