Расте наплатата од даноци и придонеси, граѓаните за два дена ќе ги добијат парите од Мој ДДВ

Расте наплатата од даноци и придонеси. До октомври собрани се 3 милијарди и 600 милиони евра по овој основ, што е за 250 милиони повеќе од истиот период лани. Ова е доказ дека економијата е стабилна и има добра даночна дисциплина, вели директорката на УЈП, Петрова.

Потфрлања има кај данокот на личен доход, и се должи на тоа што граѓаните не го пријавиле остварениот приход од игрите на среќа, но и лицата кои работеле во странство и не платиле данок на заработените пари кога се вратиле дома.  

Кај поврат на ДДВ за компаниите Петрова вели дека нема застој, освен кај оние кои се проверуваат подетално. Таму проверките можат да траат подолго, над 9 месеци. Токму по овој основ наплатени се над 60 милиони евра, бројка која е за 70 отсто повисока од лани

- Изречени се над 6,000 глоби и 61 кривична пријава против даночните затајувачи. Сакале да го оштетат буџетот за 13,9 милиони евра, додава Петрова 

За граѓаните пак, кои скенираат фисклани и се уште ги чекаат парите од поврат на ДДВ за третото тримесечје, уверува дека до крајот на месецот ќе ги добијат.

Заклучно до денеска исплатени се скоро 9 милиони евра, а подготвени налози за исплата чекаат уште 6 милиони евра.