Во општина Гостивар гласале над 20 илјади граѓани

До 15 часот во општина Гостивар во првиот круг од претседателските избори гласале 20.687 граѓани, односно 25,41 отсто.

Од ОИК Гостивар информираат дека немало поголеми проблеми во изборниот процес, освен неколку тешкотии со апаратите за читање отпечатоци.

Во општина Гостивар право на глас имаат 81.517 регистрирани гласачи во избирачкиот список кои денес гласаат 121 избирачко место.