Бизнис
26. February 2017 - 16:52

Над 8.000 активни огласи за работа на страницата на АВРМ

Близу 8400 слободни работни места евидентира Агенцијата за вработување базирано на бројот на огласи кои компаниите и институциите ги објавуваат на нејзината веб страна.

Се бараат стручни кадри, програмери, графички дизајнери, сметководители, стручни лица со средно образование, но и продавачи, комерцијалисти, шофери, готвачи, шивачи.

Наспроти ова, на страната на понудата на работна сила, изобилуваат кадри од општествените науки што е една од причините, што и покрај значителното намалување изминатите години, стапката на невработеност се уште е висока.

За да ги поттикне вработувањата владата спроведува оперативен план кој оваа година, преку 22 различни мерки, треба да опфати 40 илјади луѓе и да резултира со околу 10 илјади нови вработени во приватниот сектор

Меѓу мерките се покривање на трошиците за придонеси, доделување грантов и кредити за самовработување и вработување на различни категории граѓани, обуки кај познат работодавач, бесплатни курсеви за дефицитарни занимањакомпјутерски вештини и странски јазици.