Маскирани разбојници се обиделе да влезат во домот на докторот Вело Марковски

Неколку маскирани лица вчера се обиделе да влезат во домот на познатиот доктор а од неодамна и член на Извршниот комитет на ВМРО-ДПМНЕ, Вело Марковски со намера да извршат кражба.

Според информациите, во моментот во домот на Марковски била неговата сопруга и нивното малолетно дете. За среќа не била причинета никаква штета. 

Случајот бил пријавен во МВР, но до овој момент за тоа не можеме да добиеме официјална потврда. 

Информацијата во телефонски разговор ни ја потврди доктор Марковски но не сакаше да открива детали за случајот. 

Вело Марковски е еден од ретките доктори кои од почетокот на кризата ги критикуваат мерките кои надлежните институции ги користат во борбата со пандемијата на корона вирусот.

Од неодамна тој е избран да биде член на највисокото партиско тело на опозицијата, Извршниот комитет на ВМРО-ДПМНЕ.

Александар Спасовски