Фудбал
14. March 2018 - 10:11

ЛШ: Џеко обезбеди четвртфинале за Рома

Еден гол и беше потребен на Рома за да дојде до успех во дуелот со Шахтјор Доњецк во Лигата на шампионите. Мечот го реши Един Џеко кој се најде на вистинското место во 52. минута  за да го постигне голот доволен за четврт-финале на „волчицата“.

Гостите пристигнаа во Рим со предност од Киев од  2:1, меѓутоа, успешното избегнување на офсајд стапицата по асистенцијата на Кевин Стротман, беше доволно Џеко да дојде во позиција од која ретко промашува.

Во вториот дел гостите мораа да продолжат  со играч помалку откако црвен картон во 79. минута доби Иван Ордец, откако со влечење се обиде да го спречи Џеко во уште една речиси совршена шанса.

Тимот на Еузебио ди Франческо е вториот италијански тим во четврт-финалето, откако претходно Јувентус успеа да го елиминира Тотенхем.