Свет
18. јуни 2021 - 9:16

Ким: Северна Кореја подготвена и за дијалог и за конфронтација со САД

Севернокорејскиот лидер Ким Џонг-ун изјави дека Северна Кореја треба да се подготви „и за дијалог и за конфронтација” со САД за време на мандатот на претседателот Џозеф Бајден, јави агенцијата КЦНА.

Ким зборуваше за политиката кон Вашингтон на пленарна седница на Централниот комитет на партијата.
 
Тој „ја истакна потребата земјата да се подготви и за дијалог и за конфронтација, но да биде особено и целосно подготвена за конфронтација”.

Севернокорејскиот лидер апелираше дека „треба да се насочат напорите за стабилна контрола врз ситуацијата на Корејскиот полуостров”.

Јужнокорејското Министерство за надворешни работи објави дека високи претставници на земјата, Јапонија и САД ќе се состанат в понеделник во Јужна Кореја за да разговараат за севернокорејското прашање.