Loading Video...
Македонија
11. јуни 2021 - 21:17

Како македонските туристи можат да влезат во земјите кои им се омилени дестинации за летување?

Ковид пандемијата диктира каде ќе се летува оваа сезона.

Патувањето до плажите најчесто посетувани од македонските граѓани, годинава е олеснето, ама сепак условено.

Албанија и Црна Гора се единствените дестинации за кои не се бара ковид документ.

Грција ја подигна граничната рампа за влез на македонски државјани, но без потврда за примени било кои две дози вакцина, негативен ПЦР и антиген тест или доказ за прележан ковид-19, не може да се стапне на грчка територија.. Пограничните служби по случаен избор спроведуваат и брзо тестирање, а позитивен резултат ќе ве одведе во двонеделен карантин на товар на државата.

Со речиси идентични правила се и останатите летни дестинации најчесто посетувани од македонските државјани.

За влез во Турција, Бугарија и Хрватска неопходна е потполна вакцинација најмалку извршена пред 14 денови, или негативен ПЦР тест за невакцинираните. Овие земји прифаќаат и негативен антиген тест како и потврда за прележан ковид.

Словенија пак не ги прифаќа сите вакцини. Таму ќе можат да влезат само луѓето кои примиле две дози од Фајзер, АстраЗенека или Синофарм вакцина.

Имнузацијата со овие типови вакцини ги прифаќа и Шпанија, ама тие се единствен билет за влез во државата. ПЦР тест или доказ за прележан ковид се неприфатливи за тамошните власти.

Патувањето во Египет е можно само со негативен ПЦР тест.

Тој е услов и за влез на Кипар, но островот може да се посети и со примени две дози вакцина од било кој производител.

Неизоставна дестинација месецов е и Романија, каде макеоднксите фудбалери ќе одиграат 2 натпревара од историското прво учество на европското првенство. Таму може да се замине без никакви условувања. Третиот натпревар, во Холандија нема да може да се следи од трибините се додека холандските власти не ја симнат земјава од црната ковид листа.