Кабинет на Макрон: Употребата на придавката „Северномакедонци“ е ненамерна грешка
Шефот на дипломатијата Бујар Османи денеска оствари телефонски разговор со Кабинетот на францускиот претседател Емануел Макрон, од каде доби уверување дека при употребата на придавката за граѓаните на Северна Македонија е направена ненамерна грешка, информира Министерството за надворешни работи.
Според МНР, при разговорот на Османи му е потврден официјалниот став на Франција за целосно почитување на официјалното име на државата, државјаните на Северна Македонија, како и соодветните придавки, на начин како што тие се дефинирани и прифатени во Обединетите нации, согласно Преспанскиот договор.
Реакцијата уследи по изјавата на францускиот претседател Макрон на прес-конференцијата по Самитот на ЕУ во Брисел минатата недела кога ја употреби придавката „Северномакедонци“.
– Машината е подготвена за да се одобри тоа што ќе биде одлучено. Ова е многу добар сигнал. Сакам да му честитам на бугарскиот премиер и опозициските сили кои се здружија околу ова гласање, но и да им се заблагодарам на „Северномакедонците“ за нивниот напредок, рече Макрон, поздравувајќи ја одлуката на бугарското Собрание за прифаќање на „францускиот предлог“ за деблокирање на евроинтегративниот пат на земјава.
Ново на Сител
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд