Историска победа за Хрватот Зубчиќ на велеслаломот во Јапонија
Хрватот Филип Зубчиќ ја запиша својата прва победа во кариерата за Светскиот куп во алпско скијање, откако заврши прв во велеслалом во зимскиот центар Нигата Јузава-Наеба. Зубчиќ беше само 12-ти по првото спуштање, но даде прво време во второто и дојде до успех со вкупно време од 2: 37,25 минути. Неговиот најдобар пласман досега беше второпласиран во Аделбоден минатиот месец.
Ова е историски ден за Хрватска, а победата на Зубчиќ е прва за неговата земја надвор од семејството Костелиќ и прва во машкиот велеслалом.
– Јас сум многу горд што ова е прва победа за Хрватска во велеслалом во Светскиот куп за мажи. Овој успех е за мојот тим и моето семејство, кои ме поддржуваат во последните 21 година, рече Хрватот по трката.
Швајцарецот Марко Одермат заврши на второ место, на 74 стотинки заостанување, а Томи Форд (САД) заврши на третото место со 1,07 секунди зад победникот. Трката се одржа во прилично топло и ветровито време. Норвежанецот Хенрик Кристоферсен, кој поведе по првиот спуст, загуби повеќе од две секунди од Зубчиќ во второто и заврши на петтото место со 1.14 секунди зад победникот.
Норвежанецот Александар Амод Килде продолжува да биде лидер во пласманот на Светскиот куп по 32 старта од почетокот на сезоната со 1.022 поени. Тој заврши шести на денешната трка. Втор е неговиот сонародник и специјалист за технички дисциплини Хенрик Кристоферсен (Норвешка) со 948 поени. Трет е Алексеј Пинтуро (Франција) со 898 поени, кој денеска заврши на 15-тата озиција.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово