Македонија
24. January 2020 - 20:17

Исчезната 28 годишна девојка од Босилово

Веќе една недела нема никакви информации за 28 годишната Марија Брзакова од селото Босилово која се води како исчезната. Таа исчезнала на 18 овој месец во утринските часови и од тогаш и се губи секаква трага. Од семејството апелираат до сите граѓани во државата кои ќе ја забележат или пак имаат било каква информациа да пријават во најблиската полициска станица. Според информациите од семејството облечена е во темни тренерки,  на нозете имала патики или влечки, со себе не носела чанта, мобилен телефон  или било каков документ. Висока е околу 160 сантиметри, средна градба, со долга костенлива коса.

Од самото пријавување на случајот во потрагата е вклучена и полицијата, но засега нема никакви други подетални информации. Според најавите во потрагата по исчезнатата Марија од утре ќе се вклучат и ловџии од ловните друштва од регионот.