Хорор несреќа кај Гостивар: Воз смачка автомобил, неидентификуваниот возач тешко повреден

Вчера во 18.24 часот на патниот премин помеѓу железничко стојалиште Тумчевиште и железничка станица Гостивар се случила железничка незгода помегу патничкиот воз кој сообраќал на релација Скопје-Кичево и патничко моторно возило  „Сеат Леон“ со тетовски регистарски ознаки, управувано од непознат возач, кој со возилотото ја преминувал пругата.

Во незгодата со тешки телесни повреди се здобил возачот, кој со возило на Итна медицинска помош бил пренесен во Медицински центар Гостивар. 

Увид на местото на настанот извршила екипа од ПС Гостивар. 

Во периодот од 18.24 до 21.18 часот железничкиот сообраќај на тој дел од пругата бил во прекин.