Хилари Клинтон и официјално кандидат на демократите на претседателските избори во САД
Хилари Клинтон официјално беше номинирана од Демократската партија за нејзин кандидат на претседателските избори во САД во ноември, со што првпат во 240-годишната историја на земјата во трката за Белата куќа учествува жена, кандидат на една од двете главни политички партии.
Планирано е 68-годишната Клинтон да даде утре официјална согласност дека ќе ги претставува демократите на изборите.
Поранешната државна секретарка доби поддршка од мнозинството од делегатите на Конгресот на партијата во Филаделфија, преминувајќи го прагот од 2.382 гласови, кои беа потребни за нејзино номинирање.
Клинтон ја освои кандидатурата на демократите во битката на првичните избори и партиските конвенции со сенаторот Барни Сандерс, која траеше до последнен миг.
Поранешната прва дама за претседателската функција ќе се бори со републиканскиот кандидат, милијардерот Доналд Трамп на изборите на 8 ноември.
Анкетите на Ројтерси/Ипсос, чии резултати беа објавени вчера првпат од мај му даваат предност од два отсто на Трамп во однос на Клинтон. Според резултатите 39 отсто од анкетираните би гласале за Трамп, додека 37 отсто за Клинтон, а два проценти не би гласале за ниту еден од нив.
Приврзаниците на сенаторот Сандерс ги окупираа павилјоните на претставниците на медиумите на националниот Конгрес на демократите во Филаделфија, со цел да го изразат незадоволството од според нив нечесниот процес на номинирање на кандидатите на партијата за претседателски избори.
Во протестот учествуваа околу сто лица, од кои повеќето делегати или гости на Конгресот.
Тие извикуваа „Целиот свет ве гледа“, кога полицијата ги блокираше вратите и не им дозволи пристап на новинарите до нив.
Протестот се одржа веднаш откако Клинтон официјално беше номинирана за претседателски кандидат на демократите.
Сандерс претходно ја поддржа Клинтот и изрази желба за обновување на единсвото во партијата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација