Балкан
7. December 2016 - 15:17

Хашкото обвинителство побара доживотна казна затвор за Младиќ

Хашкото јавно обвинителство на денешниот последен ден од завршниот збор во судскиот процес против поранешниот воен командант на босанските Срби, генерал Ратко Младиќ, побара Судот во Хаг да му изрече доживотна казна затвор.    

- Би преставувало навреда за жртвите, и за преживеаните и за мртвите, но и навреда за правдата, доколу ми се одреди која било друга казна освен најстрогата предвидена со законот - доживотен затвор, изјави хашкиот обвинител Артур Тралди.

Младиќ е обвинет по две точки од обвинението во врска со војната во Босна и Херцеговина, во кои се товари дека негова цел била создавање на етнички чиста српска држава на територијата на БиХ, а му се припишува и одговорност за масакрот во Сребреници и за повеќе воени злосторства.

Генералот Младиќ (74) ги отфрла наводите во обвинението.

Претходно во март годинава, Хашкиот суд на 40-годишна затворска казна го осуди политичкиот лидер на босанските Срби во време на Војната во БиХ, Радован Караџиќ.