Граѓанската иницијатива „НаТочак“ апелира до скопските општини за подобрување на безбедноста во сообраќајот
Граѓанската иницијатива „НаТочак“ информира дека мотивирана од реакции на граѓани од повеќе скопски општини, најчесто поради попречено движење како пешаци или велосипедисти, испратила писмено барање до градоначалниците на 10 скопски општини, нивните Совети и раководители на релевантни сектори во општините, барајќи почитување и спроведување на законската надлежност која ја имаат за штитење на јавниот интерес на локално ниво во полето на урбанистичкото планирање, изградба, реконструкција на улици и регулирање на режимот на сообраќајот, справување со проблемот со непрописно паркирање, унапредување на здравјето, согласно Член 22 од Законот за локална самоуправа, кој евидентно не се почитува доволно.
– Во изминатите години сведоци сме како Град Скопје ослободи и уреди многу од пешачките и велосипедските патеки на примарната мрежа. Но, општинските улици премногу заостануваат во тој поглед. За да биде пешачењето и возењето велосипед безбедно и удобно, предлагаме општините самостојно, во меѓусебна соработка и соработка со Град Скопје да почнат да работат веднаш на пет предлози кои ги даваме, а се во доменот на нивната законска обврска, велат од „НаТочак“.
Според граѓанската иницијатива, тие предлози се однесуваат на ослободување на тротоарите од паркирани возила и урбана опрема и нивно подобрување каде постои потреба, создавање на задоволителна велосипедска локална мрежа бидејќи велосипедските патеки исклучиво на булеварите не се доволни за создавање на сигурно и достапно движење, нула жртви во сообраќајот преку издвоена велосипедска и пешачка мрежа, ограничување на брзината на 30 киломатри на час за најголем дел од мрежата, освен булеварите, или 20 километри на час каде што сите учесници во сообраќајот ја користат истата коловозна лента, редизајнирање на улиците во насока на поголема безбедност, возможно, достапно и безбедно паркирање на велосипеди, особено за нови објекти, како и поттикнување на овој тип на здрав, зелен сообраќај преку субвенции.
– Петте точки се во насока на обезбедување на непречено движење и безбедност на сите категории граѓани, а не движење кое предизвикува револт и загрозување на човечкиот живот. Додека изминатите години се работеше на подобрување на примарната велосипедска и пешачка инфрастуктура што во комбинација со субвенициите за велосипеди на повеќе општини директно придонесе бројката на велосипедисти да расте од година во година, локалната патна мрежа не успеа да се прилагоди на новонастанатите промени во користењето на превозните средства, доведувајќи ја во прашање безбедноста на најранливите учесници во сообраќајот. Поради тоа, „НаТочак“ бара дадените предлози и сугестии да бидат разгледани сериозно и вклучени во општинските буџети, се додава во соопштението на граѓанската иницијатива „НаТочак“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово