Градоначалникот на Гази Баба тврди дека најавите за изградба на тешка индустрија во Железара се лажна вест

Лажни вести и дневно политички игри. Вака градоначалникот на Гази Баба ги оценува информациите дека со новите урбанистички планови се планира нова тешка загадувачка индустрија во фабричкиот комплекс Железара.

Неоснованата е загриженоста на екоактивистите дека над фабриката Железара се продаваат парцели каде што ќе се обработува фабрички отпад, вели Георгиевски. Дополнува дека постоеле само размислувања на општината во таа насока, кои засега нема да се остварат.

Примарна цел на новите три ДУП-ови, според Георгиевски, е да се реши статусот на околу 400 правни субјекти во околината на Железара и тие да почнат да го плаќаат данокот кон општината.

Градоначалникот ветува дека во носењето на урбанистичките планови, јавноста и граѓаните ќе го имаат крајниот збор.