Гласањето е безбедно, порачува сертифицираниот обучувач на ДИК од Куманово
Безбедно е да се гласа, граѓанинот треба да носи заштитна маска. Накусо ќе ја тргне додека му се утврди идентитетот, два пати се дезинфицираат рацете, пред и по завршувањето на гласањето, вели сертифицираниот обучувач на ДИК Срѓан Ивановски од Куманово, кој денеска појасни како ќе изгледа гласањето и како треба да се однесуваат гласачите на изборниот ден.
Тие нема да можат да влегуваат без маска, согласно задолжителните препораки за заштита од Ковид-19. Според Државната изборна комисија, секој гласач е должен да држи растојание пред објектот и влезот на самото гласачко место. Гласањето е безбедно истакнува, Ивановски.
Граѓанинот кога ќе се упати на гласачкото место е треба задолжително со себе да носи заштитна маска, која што ќе ги прекрие лицето, носот, устата. Кога ќе се уапти на гласачкото место, тој се упатува на член на избирачкиот одбор, кој што најпрво ќе му каже да ги дезинфицира рацете со средство за дезинфекција на рацете и ќе го провери со УВ ламба.
-Ќе го насочи на член на избирачки одбор, кој што ќе му ги провери документите за лична идентификација. При што во тој момент гласачот треба да ја тргне маската од лице, а потоа повторно да ја врати назад на лицето. Битно е да се знае дека за секој граѓанин неоходни се два документа за лична идентификација за остварување на гласачко право, валидна важечка лична карта и важечка патна исправа. По пронаоѓање на лицето во соодветниот избирачки список, се потпишува во определената графа, се става отпечаток од десен показалец, понатаму се насочува на член на избирачки одбор кој што ќе му исцепа внимателно од кочан гласачко ливче, ќе му стави печат на предната горната страна, се прска со УВ спреј, ќе се насочи кон гласачкиот параван и без никакво поголемо задржување со заокружување на редниот број на една од кандидатските листи предвидени за овие избори ќе го оствари своето демократско право за гласање загарантирано со Уставот, појаснува Ивановски.
Ивановски додава дека граѓанинот дискреционо го витка гласачкото ливче, доаѓа до гласачкиот параван го пушта во гласачката кутија, си ги зема документите за лична идентификација, и пред да го напушти гласачкото место задолжително по втор пат ги дезинфицира рацете. На гласачкото место се задржуваат онолку гласачи колку што има паравани. Сето тоа го регулира избирачкиот одбор, кој е задолжен за одржување социјална дистанца, како помеѓу членовите на избирачките одбори, така и за овластените претставници на подносители на листи и за гласачите.
–Сакам да упатам апел до сите граѓани да ги повикам, сите да излезат на гласање доколку сметаат дека треба да го остварат своето гласачко право, секој ќе си ги почитува однапред определените заштитни мерки така што нема никаква опасност за едно лице да излезе и да го оствари своето гласачко право, вели Ивановски.
Според препораките, ДИК е должна пред и после завршувањето на гласањето во просториите да го дезинфицира секое избирачко место.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка