Кошарка
26. May 2016 - 10:43

ФИБА го промовира логото за Евробаскет 2017

 
Светската кошаркарска федерација го промовира логото на следното Европско првенство за мажи кое ќе се одржи следната 2017 година. 
 
Како што информираат од ФИБА, дизајнот на логото за шампионатот е инспирација од идејата дека „кошарката е универзумот сам за себе, и дека во центарот на тој универзум е трофејот на Евробаскетот, со најсветлата ѕвезда Европа’’.
 
Голема улога во концептот на изгледот на логото имаше и растојанието од север кон југ меѓу четири места (домаќини) на шампионатот: Финска ( Хелсинки), Израел ( Тел Авив), Романија (Клуж) и Турција (Истанбул ), сите со уникатни различни географски и културни традиции, кои секој од домаќините ги носат сами за себе на овој настан.
 
Европското кошаркарско првенство во 2017 година ќе се одржи во периодот од 31 август до 17 септември, а летово ќе се играат квалификациите. 
 
Македонската репрезентација за место на ЕП ќе се бори против селекциите на Велика Британија, Унгарија и Луксембург.