Фудбал
12. March 2016 - 10:10

ФА куп: Кристал Палас по 21 година во полуфиналето

Екипата на Кристал Палас е првата која обезбеди пласман во полуфиналето на фудбалскиот ФА куп на Англија.
 
Во првиот меч од четвртфиналната рунда одигран синоќа, Кристал Палас славеше победа на гостувањето кај Ридинг. со 2:0, со погодоците на Јохан Кабаје (86-минута) од пенал и Фрејзер Кемпбел (90+4). Кристал Палас ја искористи предноста од играч повеќе бидејќи во 85.минута беше исклучен домашниот играч Купер. 
Екипата од Лондон, Кристал Палас по 21 година успеа да се пласира во полуфиналето на ФА купот.
 
Попладнево од 18:30 часот ќе се игра натпреварот Евертон – Челзи, а утре на програмата се преостанатите два натпревари, Манчестер Јунајтед - Вест Хем (од 14:30 часот) и Арсенал – Вотфорд (од 17 часот).