Свет
19. March 2018 - 12:09

ЕУ безрезервно ја поддржува Велика Британија во случајот „Скрипал“

Европската Унија изразува шокираност од труењето на поранешниот двоен агент Сергеј Скрипал и дава безрезервна поддршка на Велика Британија.

Министрите за надворешни работи на ЕУ кои во овој момент се состануваат во Брисел преку заедничко соопштение изразија солидарност со Велика Британија и изјавија дека „многу сериозно“ ја сфаќаат проценката на британската влада дека Руската Федерација е најверојатно одговорна за тој чин.

- Европската Унија е шокирана од употребата на воен нервен агенс, од типот на оние кои ги развива Русија, на европска територија по повеќе од 70 години, стои во соопштението.

ЕУ потсетува дека употребата на хемиско оружје претставува нарушување на меѓународните конвенции и претставува „безбедносна закана за сите нас“.

ЕУ ја повикува Русија итно да одговори на прашањата поставени од страна на Велика Британија и веднаш целосно да ја открие „програмата Новичок“ пред организацијата за забрана на употреба на хемиско оружје. ЕУ, се вели во соопштението.