Балкан
22. March 2018 - 14:20

Директор на Канцеларијата за КиМ: Косово нема да биде држава, ниту Прешево ќе биде дел од Косово

Директорот на Канцеларијата за Косово и Метохија, Марко Ѓуриќ. коментирајќи ја изјавата на претседателот на косовскиот парламент Кадри Весели, изјави дека Косово никогаш нема да биде држава, ниту Прешево ќе биде дел од него.

- Кадри Весели нека не се радува, бидејќи Косово никогаш нема да биде држава, ниту Прешево, Медвеѓе или Ниш, некогаш ќе бидат дел од т.н. Република Косово. Но, Приштина била и ќе остане дел од Србија, а тој ќе биде српски државјанин, наведе Ѓуриќ во писмената изјава. 

- Кадри Весели, познат по тоа што сака да се заканува со војна  и одземање територии, треба да знае дека не е мудро да се заканува со насилство, посебно не на посилен од себе. Настапи време на дијалог, во кој проблемите не се решаваат со субверзивни напади од заседа, што нему како поранешен командант на терористичката ОВК, можеби не му е лесно да го разбере, но ќе има време да се соочи со реалноста, додаде Ѓуриќ.