Брнабиќ: Иницијативата „Отворен Балкан“ овозможува регионот да има иднина
Српската премиерка Ана Брнабиќ изјави дека Иницијативата „Отворен Балкан“ ќе му овозможи на овој регион да има поинаква иднина, ќе овозможи поврзување на луѓето во регионот на сосема поинаков начин, поврзување на економијата и поинаков, многу подинамичен економски раст и развој, јави дописникот на МИА од Белград.
-Некаде имате критика дека тоа е иницијатива што ќе доведе до голема Албанија, во Албанија и делумно во Северна Македонија, имате критика дека тоа е иницијатива што ќе доведе до голема Србија, но всушност тоа е иницијатива која ќе овозможи регионот да има поинаква иднина, поврзување на луѓето на сосема поинаков начин, поврзување на економијата и различен, многу подинамичен економски раст и развој, изјави Брнабиќ за новинарите за време на посетата на Овчарско-Кабларската клисура.
Таа посочи дека ќе има целосно слободен проток на стоки, што е важно за инвеститорите, но и за српските компании, чиј пазар е првенствено во овој регион.
-Тоа е уште поважно за домашните отколку за странските инвеститори во Србија, бидејќи нивниот пазар, пред се, е во овој регион, кажа Брнабиќ.
Таа додаде дека оваа иницијатива е важна и за младите луѓе кои ќе имаат можност полесно да патуваат и полесно да најдат работа.
Ќе ни биде полесно да донесеме големи странски инвеститори бидејќи се поголем проблем ќе биде работната сила, а кога ќе имате единствен пазар и работна сила, тие полесно ќе дојдат.
Се надевам дека и другите партнери од Западен Балкан полека ќе ни се придружат, а и ако тоа не се случи, ќе имаме голема придобивка за луѓето и економијата, како и огромна политичка корист, бидејќи ќе покажеме дека сами можеме да водиме сметка за себе и за нашата судбина, изјави Брнабиќ.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка