Брнабиќ: Хрватска покажа дека е отворено непријателска кон Србија
Мандатарката за состав на новата српска влада, Ана Брнабиќ денеска изјави дека Хрватска со барањето да спречи увоз на руска нафта преку Јанаф покажа дека е „отворено непријателска“ кон Србија, јави српската новинска агенција Бета.
– Единствениот нафтовод на кој сме поврзани, за жал, минува низ Хрватска. Таа покажа дека е небезбеден партнер, небезбеден снабдувач и дека ја користи енергијата за политички цели, изјави Брнабиќ за ТВ Прва, нагласувајќи дека Србија платила за користење на тој гасовод.
На прашањето дали Србија ќе мора да ја преземе сопственоста на Нафтената индустрија на Србија (НИС), како што се шпекулираше, таа рече дека и денеска се шпекулира.
– Тоа е една од отворените опции, но засега таквото сценарио не се оствари бидејќи НИС во моментов нема проблем, посочи Брнабиќ.
Одговарајќи дали ќе има последици доколку не се воведат санкции кон Русија, таа посочи дека Србија е во „специфична ситуација“ бидејќи била жртва на агресија и заземање на дел од државата и дека би било цинично и неправедно ако нема разбирање за таа позиција.
– Немаме закани, има притисоци, засега прилично добро се справуваме. Успеавме да бидеме единствената земја на европскиот континент што не воведе санкции кон Русија, успеавме, наведе Брнабиќ.
Таа посочи дека „Србија не се откажува од својот европски пат, таа е нашата природна средина и покрај проблемите што ги има“.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ