Македонија
5. December 2019 - 16:01

Бочварски ја посети „Славик Фарм“ кој доби 110.000 евра од ИПАРД 2

Градоначалникот на Општина Штип, Благој Бочварски денеска го посети сопственикот на фармата „Славик Фарм“ кој доби 110.000 евра од ИПАРД 2 програмата за приклучна механизација.

-„Славик Фарм“ е позитивен пример за тоа како една успешна земјоделска фарма може да аплицира и да добие поддршка од Владата и Министерство за земјоделство за натамошен развој на сопствениот бизнис. Владата и Министерството ги знаат потребите на земјоделците и со мерките кои се спроведуваат, се поттикнуваат сите земјоделци да аплицираат за каква било помош, изјави Бочварски.

Во рамки на посетата беше нагласено дека се значително подобрени условите за земјоделците, особено за младите кои може да аплицираат и да добијат грант во висина од 20.000 евра.