Белгиски универзитет работи на вакцина против коронавирусот
Католичкиот универзитет во Лувен веќе работи на вакцина против коронавирусот врз основа на веќе постоечки вакцини, јави дописничката на МИА.
Одделот за вирологија на Универзитетот во Лувен (КУЛ) има изработено технологија базирана на вакцината против жолтата треска и која може лесно да се реплицира за да се добие нова вакцина против коронавирусот, објаснуваат научниците од виролошкиот оддел.
-Претходно успеавме да развиеме ДНК технологија за да внесеме нов генетски материјал во вакцината против жолтата треска , и тоа станува еден вид база. Ги искомбиниравме вакцината против жолтата треска со таа против беснило и видовме дека се компатибилни, истото го сторивме и со вакцината против ебола и успеа, овие манипулации ни овозможија да развиеме технологија која лесно се произведува и не чини скапо со голема термостабилност, вели Јохан Нејтс, професор на КУЛ.
Сега со појавата на кинескиот вирус, научниците треба да работат брзо за да развијат вакцина. ДНК технологијата сега ќе се комбинира со геномот на коронавирусот за да се види дали ќе даде резултати. За шест до осум недели научниците ќе знаат дали вакцината е ефикасна за глувците.
-Ќе ни треба еден месец за да видиме дали произведуваат антитела, и ќе има уште неколку етапи пред првите клинички тестови, вели професорот.
Епидемиолозите сметаат дека во наредните децении ќе се појавуваат нови вируси и потребно е науката да биде подготвена да реагира брзо
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово